|
Сите вработени наставници во Центарот за физичко образование земаат активно учество со свои сопштенија, научни и стручни трудови на голем број симпозиуми, конгреси, научни собири, трибини кои се организрани како во нашта Република така и во странство.
Центарот за физичко образование при Факултетот за физичка култура во соработка со Универзитетот "Св. Кирил и Методиј", Федерацијата на спортските педагози на Република Македонија, Агенцијата за млади и спорт и Бирото за развој на образованието при Министерството за образование и наука, го организира Првиот Меѓународен симпозиум на тема: "Наставата по физичко образование, спортот и спортските активности на студентите (сосотојби и перспективи)".
Симпозиумот се одржа во Скопје од 25 до 27 Март 2005 година и во иднина истиот ќе стане традиционален.
Во организација на Федерација на универзитетски наставници, тренери и едукатори по кинезиологија на 4 и 5 декември, 2009, во Домот на хуманитарни организации Даре Џамбаз беше организирана 1-ва Меѓународна научно-стручна конференција во соработка со, Федерација на училишен спорт на Македонија и Карате центар Кисела Вода.
На Конференцијата како основи теми беа поставни:
- НАСТАВА ПО ФИЗИЧКО ОБРАЗОВАНИЕ И СПОРТ НА УНИВЕРЗИТЕТИТЕ, СРЕДНИТЕ и ОСНОВНИТЕ УЧИЛИШТА;
- НАУЧНО-СТРУЧЕН ПРИСТАП ВО КАРАТЕ ТРЕНИНГОТ (БОРЕЧКИ СПОРТОВИ: БОКС, БОРЕЊЕ, ЏУДО, АИКИДО...)
- МЕДИЦИНСКИ АСПЕКТИ НА СПОРТСКИОТ ТРЕНИНГ;
На конференцијата учествуваа преу 30 истакнати спортски педагози, а презентирани беа 45 стручни и научни трудови во врска со темата на Конференцијата.
За време на Конференцијата се изврши и промоција на книгата КАРАТЕ ПЛАНИРАЊЕ И ПРОГРАМИРАЊЕ од авторите Чедомир Ј. Саздовски и Ленче А. Величковска |